WCPD-ICPO, nag-conduct sang information campaign sa mga nabiktima sang pagpanghimulos

Iloilo City – Asod-asod ang ginahimo nga information campaign sang Women and Children’s Protection Desk ukon WCPD sang Iloilo City Police Office may kaangtanan sa mga kaso sang pagpanghimulos sa siyudad.

Suno kay Senior Inspector Shella Mae Sangrines, WCPD chief sang ICPO, gina-engganyo nila ang mga biktima sang pagpanghimulos nga magpangisog.

Dapat man suno sa iya nga magpasaka sang kaso batuk sa suspect agud mahatagan sang hustisya ang ginhimo sa ila.

Sa record sang ICPO halin Hulyo 30 tubtob Agosto 5, 2018 may tatlo ka kaso sang rape ang narecord; tig-isa sa City Proper, Lapaz kag Jaro. (JoMaque)