Sta. Barbara, Iloilo–Nagsurrender sa Sta. Barbara Police Station ang duha pa ka suspects pagpatay sa Indian national nga si Harvender Singh nga nasapwan sa Barangay Lupa, Sta. Barbara sang Agosto 7 sang gab-i.

Suno kay Senior Inspector Jose Rey Pabalan, nagsungka si Alyas John Albert, 16-anyos kag Alyas Calvin, 17-anyos lunsay residente sang Sta. Barbara kaina sang aga, Agosto 10.

Sa subong, may apat na ka mga suspects nga yara sa kustodiya sang mga otoridad.

Una na nga nagsungka sa National Bureau of Investigation ukon NBI-6 si Alyas Pen-pen, 17 anyos sang Pavia, kag iya ginatudlo Angel Simpas, ang agi nga ginpahayag karelasyon ni Singh nga mastermind sa pagpatay sa biktima.

‘Nag-deny’

Nanginwala naman si Angel nga siya ang mastermind sa krimen.

Suno kay Angel, wala siya nakahibalo sa plano nga holdapon sang mga kilala sang iya suod nga abyan ang biktima nga si Singh. Gin-ako sini nga upod niya sanday alyas Pen-Pen, alyas Calvin, alyas Albert kag alyas Stephanie sang nagpadul-ong siya sa Agutayan, Sta. Barbara agud makigkita kay Singh. Nag-angkas siya sa motorisklo sang Indian national kag nagpondo sila sa Barangay Lupa apang wala siya nakahibalo nga ginsundan sila nanday alyas Pen-Pen.

Madulom suno kay Angel sang nagpalapit ang tatlo pero nabatian niya sang naghambal ang mga ini sang hold-up kag gintawag ang iya pangalan. Suno pa kay Angel, nakilala niya ang tingog ni alyas Pen-Pen gani iya ginpasiga ang iya cellphone agud makita ang mga ini.

‘Ginkasuhan na’

Gin-file sang Sta. Barbara sa Iloilo Hall of Justice ang kaso nga robbery with homicide batuk kay Angel kag sa tatlo ka menor-de-edad subong nga hapon.

May duha ka testigo ang police nga nagtudlo sa mga suspek nga amo ang nagpatay kay Singh. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply