Iloilo City–Masobra 60 ka balay ang nasunog sa Barangay Taytay Zone 2 kag Barangay Calubihan, Jaro kaina sang aga, Agosto 11.

Suno kay City Fire Marshal Christopher Regencia, sa ila nga imbestigasyon, naghalin ang kalayo sa balay ni Isabelita Bunda sang Taytay Zone 2. Ginpahayag naghalin sa napabay-an nga linuto ang kalayo nga naglaton sa mga pamalay nga human sa light materials.

Wala naman sang may ginreport nga casualty ukon malala nga injuries sa sunog.

Ginabanta naman sa P2 million ang balor sang kahalitan sa sunog.

Temporaryo nga nagatiner sa Jaro 1 Elementary School ang mga nasunugan.

Nagpanawagan naman sanday Taytay Zone 2 PB Alex Rosal kag Calubihan PB Rodney Guintibano sang bulig paagi sa pagdonar sang mga gamit sa sulod sang balay kag bayo bangud wala gid sang nasalbar ang mga apektado nga pamilya. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply