Iloilo — Patay ang foreman nga ginbuno sang construction worker sa Barangay Balabag, Pavia kagab-i, Agosto 11.

Ginkilala ang biktima kay Robert Velasco, 41 sang Murcia, Negros Occidental, nga may madamo nga pilas sa lawas kag dead-on-arrival sa West Visayas State University Medical Center. Ginkilala naman ang suspek kay Noel Pajarillo, 31 sang Hinigaran, Negros Occidental, nga at-large.

Suno kay Chief Inspector Fernan Limbungan, hepe sang Pavia Police Station, base sa ila pagpangusisa, gulpi lang nagsulod ang suspek sa bunkhouse sa Balabag, Pavia sa diin nagatenir ang biktima. Ginpahayag sang mga kaupod sang foreman nga wala man sang baisay nga natabu sang ginbuno ni Pajarillo si Velasco.

Narecover sang Pavia police ang kitchen knife nga ginapatihan gingamit sa krimen kag motorsiklo nga ginsakyan sang suspek halin sa Sta. Barbara pakadto sa bunkhouse.  Naga-obra ang biktima kag suspek sa Subdivision sa Sta. Barbara. Ginapadaluman pa sang Pavia police ang motibo sang suspek sa pagpatay sa iya foreman. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply