Oton, Iloilo — Nawasak ang tatlo ka mga balay samtang naghilay naman ang 15 ka iban pa nga mga balay sa Zone 1, Brgy. Cabanbanan matapos nalab-ot sang dalagku nga balud nga gindugangan pa sang mabaskog nga hangin kaina sang aga.

Ginapanag-iyahan ang nawasak nga mga balay sang mag-ulutod nga sanday Nancy, Wellie kag Jimmy Tesaloncio.

Nagtukod ang pila sa mga pumuluyo sang hayub-hayub sa lugar samtang nagtenir naman sa chapel ang iban.

Ginpasalig ni Cabanbanan, Oton Punong Barangay Edwardo Erecre nga ipalab-ot niya sa ila Municipal Social Welfare Officer ang concern.

Sang Huwebes, nawasak man ang balay ni Oliver Bustilo matapos nalab-ot sang balud.  (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply