Siwalo, Maasin– Patay ang 37-anyos nga panday sang gintiro sang iya man lang amay sa kagab-i, Agosto 12.

Nagsip-ak gid ang ulo kag napilasan sa abaga si Felimon Miranda sang gintiro ni Eduardo Miranda, 64-anyos sang 12 gauge shotgun.

Napikon na gid ang amay bangud masami ini nga nagapanghaboy sang bato ang biktima, ginasakit sini ang iya asawa, kag nagamaoy kun mahubog.

Suno sa amay, nagpalangdulom ang iya pinsar sang ginhaboy sang biktima sang sang bato ila balay.

Suno sa amay, wala siya gid naghinulson sang ginpatay sini ang iya bata bangud tuman ka palahubog ini umpisa sang 17-anyos palang ini.

Nagsurrender sa Maasin Police Station ang suspetsado. Wala naman sang plano ang pamilya nga magpasaka sang kaso. (JoMaque)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply