PSTMO Head Jeck Conlu, nag-athag naman nga mga parking attendants lang ang iya plano i-regulate kag indi ang mga barkers

Iloilo City–Ginpaathag ni Public Safety and Transportation Management Office ukon PSTMO head Jeck Conlu nga ang mga parking attendants ang plano niya nga iregulate kag indi ang mga barkers.

Suno kay Conlu, wala nadala sa Anti-Barker Ordinance ang mga parking attendants ukon mga ‘atras boys.’

Ginpabutyag ni Conlu nga ipatuman niya ang ordinansa subong nga semana kon ma-istorya niya ang mga chiefs-of-police.

Ang mga pulis kag team halin sa PSTMO ang magapanakop sang mga barkers.

Base sa ordinansa, dakpon kag presuhon ang mga barkers apang athagon pa ni Conlu kon sin-o ang ma-file sang kaso sa mga violators. (AGB)