Iloilo City–Posible suguran buwas sang Public Safety and Transportation Management Office ang pagpangdakup sa mga barkers sa syudad.

Suno kay PSTMO Head Jeck Conlu, may duha ka teams ang iya opisina nga magapangdakup sa mga barkers upod sa mga personnel sang traffic division sang Iloilo City Police Office. Wala suno sa iya sang poder ang mga traffic aides nga magpanakup base sa Anti-Barker Ordinance.

Hingyu-on man ni Conlu ang mga chiefs-of-police kon puwede nga maupod ang mga pulis nga naga-duty sa patrol nga mangdakup sang barkers sa ila area of responsibility.

Nagsugod man sa paglibot suno sa iya ang team sang PSTMO agud mag-warning sa mga barkers sa istrikto nga pagpatuman sang ordinansa. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply