Iloilo — Gintawag sang New Peoples Army nga massacre ang natabu sa pagkapatay sa engkuwentro sang pito nila ka miembro sa Brgy. Atabay, San Jose, Antique kaina sang kaagahon, Agosto 15.

Suno kay Ka Julio Montana, spokesperson sang Coronacion Chiva Waling-Waling Command sang NPA, indi armado ang grupo sang mga rebelde nga nahamtang sa amu nga barangay gani planted para sa iya ang mga ebidensya nga narecover sa lugar.

Kon matalupangdan suno sa iya, wala sang patimaan nga may tiruhay nga natabu kag wala man sang patimaan nga nagbatu ang mga napatay kon basehan ang sitwasyon sang balay nga ginatineran sang mga rebelde.

Ginkuwestyun man sini ang gilayon nga pag-cordon sa lugar kag indi pagpahanugot sa sin-o man nga indi otorisado nga magsulod gani daku ang posibilidad nga planted ang mga pusil kag eksplosibo nga narecover.

Indi naman magkomento si Montana sa mga narecover mga extortion letters nga may letter head sang Napoleon Tumagtang Command-Southern Front Panay.

Natalana suno sa iya nga magpaguwa sang statement ang Coronacion Chiva Waling-Waling Command kag Community Party Panay Region agud maklaruhan ang mga pumuluyo sa matuod nga natabu. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply