Iloilo City–Nagtudluanay sanday DPWH 6 Director Wenceslao Leaño kag City District Engineer Rodney Gustilo sa pagsabat sa status sang Termination of Contract sang contractor nga delayed ang pag-obra sang Php 21-Million road project sa San Juan Street, Brgy. San Antonio, Molo.

Nagpamalibad nga magkomento si Engr. Gustilo sa memorandum nga gin-issue ni Director Leaño angut sa termination sa kontrata sang Legacy Construction. Suno Kay Engr. Gustilo, mas maayo kun ang DPWH 6 Director ang pamangkuton.

Una na ginpahayag sang secretary ni Director Leaño nga si Engr. Gustilo ang pamangkuton para sa follow up sang Termination of Contract.

Kaundan sang memorandum ni Leaño kay Engr. Gustilo ang pagsukot sang liquidated damages batuk sa contractor bangud sang delayed nga pag-obra.

Indi naman kinahanglan nga iterminate ang kontrata sang Legacy Construction suno kay Director Leaño bangud nag-expire na ini sang Hunyo 19 kag nagtakop naman sang Agosto 5 ang 45 diyas nga pasalig sang contractor para tapuson ang proyekto.

Una nga nagpadala sang memorandum si Engr. Gustilo kay Director Leaño sa iya rekomendasyon nga pagterminate sa kontrata sang Legacy Construction bangud sang delayed nga pag-obra.

Ginkadtuan sang Aksyon Radyo Iloilo ang duha ka mga opisyal apang may mga meeting sila suno sa ila mga staff.

Nagcommunicate man paagi sa text messaging ang Aksyon Radyo Iloilo sa mga natungdan angut sa status sang Termination of Contract sang contractor apang wala sila nakasabat. (AGB/AT)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply