Capiz — Nagpangayo sang pasaylo ang CAFGU member nga nagtiro patay sa iya detachment commander sa Daan Sur, Tapaz sang Agosto 16 sang gab-i.

Ginpahayag ni Bonnie Jimenez, 39 anyos sang Taganghin, Tapaz, nga naghinulsol siya sa ginhimo. Pero masakit suno sa iya nga magluwas ginsakit, ginbuyayaw pa siya sang biktima nga si Staff Sergeant Ronilo Esoy, 40 anyos, sa atubang sang iya asawa.

Suno kay Jimenez, naglisensya siya kay Esoy nga giyahan ang iya asawa kag duha ka bata nga magtabok sa suba pabalik sa ila balay bangud mataas ang lebel sang tubig kag nagpasugot man ini.

Nanginit si Jimenez gani ginsulod ni Esoy sa opisina kag gintiro gamit ang iya issued M16 rifle. Preso sa Tapaz Police Station si Jimenez kag natalana pasakaan sang kaso. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply