Iloilo City–Nagpa-athag si Land Transportation Franchising and Regulatory Board ukon LTFRB 6 Director Richard Osmeña sa status sang Metro Express modernized jeepneys nga nagabiyahe halin sa Vista Mall sa Barangay Pulo Maestra Vita, Oton pakadto sa pila ka transport terminals.

Suno kay Osmeña, provisional authority lang kag indi franchise ang 45 ka adlaw nga ginhatag Metro Express agud makabiyahe.

Kumpleto suno sa iya ang mga dokumento sang Metro Express sang nag-apply pero indi siya ang naghimo sang inspection kundi ang ila central office. Ginpadala sang management sang Metro Express ang ila application para sa na-identify nga development route apang ang LTFRB central office ang naga-hearing, naga-aprobar kag nagahatag sang mandu sa LTFRB 6 nga maghatag sang provisional authority.

Mahimu nga maka-request sang extension sang provisional authority ang Metro Express tubtub nga maka-aprobar sang route plan ang  ahensya.

Temporaryo nga gin-untat ang pagbiyahe sang Metro Express sa Pavia People’s Terminal kasunod sang reklamo sang pila ka transport groups. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply