Iloilo City–Nag-conduct sang seminar kag training ang Land Transportation Office 6 sa police, Iloilo City Emergency Responders kag Department of Health personnel angut sa pagpatuman sang Anti-Drunk and Drugged Driving Act sa Western Visayas.

Suno kay Mr. Jojo Jamerlan, chief sang LTO 6 Operation’s Division, lakip sa seminar kag training ang paggamit sang breath analyzer.

Ang ICER kag police suno sa iya ang first responders kon may aksidente gani dapat may ihibalo sila sa paggamit sang nasambit nga equipment.

24 ka breath analyzers ang pagagamiton sang LTO sa ila joint operation sa una nga semana sang Setyembre.

Ginpahanumdom ni Jamerlan ang mga motorista nga indi mag-inom sang makahulubog nga ilimnon kon naga-drive agud makalikaw sa daku nga penalidad. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply