Igbaras, Iloilo — Ginbuksan na sa mga turista ang Mt. Napulac sa Igbaras nga una ginreport temporaryo nga ginseraduhan kasunod sang engkwentro sa tunga sang tropa sang gobyerno kag New Peoples Army sa San Jose, Antique nga nagbilin sang pito ka mga napatay.

Suno kay Igbaras Mayor Vicente Escorpion Jr, ginbawi ang temporary closure sa bukid sugod sang Agosto 18.

Gin-ako ni Mayor Escorpion nga may presensya sang mga rebelde sa ila banwa apang indi kinahangaln ang pag-implementar sang temporaryo closure sa Mt. Napulac suno sa Philippine National Police kag Armed Forces of the Philippines.

Temporaryo nga ginseraduhan sang Local Government Unit ukon LGU Igbaras sa mga hikers ang Mt. Napulac sang Agosto 15 sa amo man nga adlaw nga nagluntad ang insidente sa San Jose, Antique.

Suno kay Engr. Wilfredo Delgado, tourism officer sa Igbaras, ginduso ang lihok para sa safety kag security sang publiko.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply