Drug Surrenderer Sa San Enrique, Gintiro-Patay Sang Riding-In-Tandem

San Enrique, Iloilo — May 4 ka pilas sa lawas ang drug surrenderer nga gintiro patay sang ginpahayag riding-in-tandem sa Barangay Dacal, San Enrique kahapon.

Napilasan sa ulo, li-og, hita kag tiyan si Jay Balboa, 33-anyos sang Barangay Abaca. Suno kay Senior Inspector Fernando Punsalan, hepe sang San Enrique Police Station, halin sa passi city ang biktima sakay sa trisikol sang ginsundan sang wala makilala nga mga suspek.

Gintuyo pa ni Balboa nga makapalagyo pero ginsundan ini sang mga suspek kag gintiro sa ulo. Nagapati si Punsalan nga posible may kaangtanan sa illegal nga druga ang pagpatay kay Balboa.

(ATT)