(UPDATE) Bangkay sang lalaki nga nasapwan naga-utaw-utaw sa Iloilo River, may nervous breakdown suno sa iya utod

Iloilo City–Nasapwan ang bangkay sang lalaki nga naga-utaw utaw sa Iloilo River sa Rizal, Lapaz kaina sang aga.

Nadiskubrehan nga ang lalaki nga nasapwan amo ang lalaki nga una ginreport naglumpat sa Quirino bridge sa Lapuz sang Domingo, Agosto 19.

Ginkilala ang napatay kay Edgardo Ferrer, 55-anyos sang Bakhaw, Mandurriao.

Domingo sang gab-i sang natalupangdan sang utod nga si Melanie Fabiano nga wala si Ferrer sa iya kwarto kag wala na nakapauli sa ila balay.

Gin-ako ni Fabiano nga may nervous breakdown ang iya utod apang may ginamentinar nga bulong gani wala siya naglaum nga mahimo sini ang paglimpat sa taytay. (AGB)