Kampo Delgado–Balik duty sa Iloilo Police Provincial Office si SPO1 Redan Octaviano nga nagpositibo sa on-the-spot-drug-test sang Police Regional Office 6.

Ginconfirmar ni PRO 6 spokesperson PSUPT Joem Malong nga nagreport kaina, Agosto 22, sa Human Resource and Development Division si Octaviano agud i-presentar ang negatibo nga resulta sang iya reconfirmatory test.

Balik sa Law and Order Section sang IPPO si Octaviano matapos ginsaylo temporaryo sa Regional Personnel Holding and Accounting Unit sang nagpositibo.

Madumduman nagpositibo ang pulis sa drug test sa PNP Crime Labotory 6 sang nagpasa sang urine sample bilang isa sa mga requirements sa promotion.

Wala man nakahingagaw sa promotion, maayo naman nga balita suno kay Malong nga malimpyuhan ang pangalan ni SPO1 Octaviano sa isyu sang illegal nga druga. (AGB)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply