Iloilo City – Wala na sang i-terminate nga kontrata sang government project kon expired na ini.

Sa paathag ni Atty. Quintin Magsico Jr, isa sa mga nagbulig frame sang Government Procurement Act, kon expired ang kontrata kag wala natapos ang proyekto, dapat magsumiter ang head sang procuring entity sang report sa Bids and Awards Committee. Ang BAC ang marekomendar sang mga options agud matapos ang proyekto.

Kon magpadayon naman sa pagtrabaho ang contractor bisan expired ang kontrata kag wala sang extension of contract, indi obligado ang gobyerno nga magbayad sang ila gin-ubrahan suno kay Atty. Magsico.

Sang Hunyo 19 pa nagtakop ang revised expiry date sang 21-million pesos nga road project sa San Juan Street, San Antonio, Molo. Naghingyo ang Legacy Construction nga tapuson ang proyekto sa sulod sang 45 ka adlaw sugod sang Hunyo 21 apang wala sa gihapon nakumpleto tubtob sang Agosto 4 gani padayon ang ila pagtrabaho tubtob subong.

Ginrekomenda ni city district engineer Rodney Gustilo nga iterminate ang kontrata sang Legacy Construction sang Agosto 8 apang ginpahayag ni DPWH 6 Director Wenceslao Leaño nga indi na kinahanglan bangud expired naman ini kag dapat sukton lang ang contractor sang liquidated damages. (JoMaque)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply