Abogado sa Bacolod City, patay matapos gintiro sang riding-in-tandem

Bacolod City, Neg. Occ. — Patay ang abogado sa Bacolod City matapos gintiro sang riding-in-tandem kaina sang udto, Agosto 23.

Ginkilala ang biktima kay Atty. Rafael Atutubo, 62 anyos nga tumandok sang Talisay City, Negros Occidental, nga may pilas sa wala nga mata.

Suno kay Senior Supt. Francisco Ebreo, director sang Bacolod City Police Office, nagapungko si Atty Atutubo sa atubang sang iya apartment sang ginpalapitan sang suspek nga sakay sa motorsiklo kag gintiro.

Gindala ang abogado sa Bacolod Doctor’s Hospital pero gindeklarar nga dead-on-arrival.

Padayon ang imbestigasyon sang police sa natabu. (AGB)