Cabatuan, Iloilo– Nagpablotter sa Cabatuan Police ang head teacher matapos gintapunggol sang iya District Supervisor sa Cabatuan Gym alas 6:10 subong nga gab-i.

Suno kay PO1 Dennis Teron, imbestigador sang Cabatuan Police Station, may gamay nga pagbina-isay sa tunga sang head teacher kag district supervisor antes ang insidente.

Na-akig ang district supervisor matapos duitay nalang ang mga manunudlo nga nagtambong sa programa sang District 1 may kaangtanan sa Tinu-om Festival.

Ginpamangkot sang district supervisor ang head teacher kun nga a duitay nalang ang mga manunudlo nga nagtambong sa programa kag nagsabat man lang ini nga indi niya mapunggan ang pagpauli sang mga manunudlo bangud malayo pa ang ila ginapulian.

Ginkakibot nalang sang head teacher nga gulpi lang siya nga ginsumbag sa wala nga guya sang district supervisor. Nagpakurasyon ang head teacher antes nagpablotter sa Cabatuan Police Station.

Nag-ayo ang magtimbang nga bahin, indi nalang pagpangalanan sa kahanginan. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply