Leon, Iloilo— Tatlo ka pulis ang ginreport nga napilasan sa paglupok sang landmine nga ginsundan sang engkwentro sa boundary sang Barangay Isian Victoria, may 14 kilometros ang kalayuon halin sa Poblacion.

Isa sa mga ginpahayag nga napilasan si Chief Inspector Abner Jordan, platoon leader sa 1st Iloilo Provincial Mobile Force Company nga nakabase sa Bagumbayan, Tigbauan. May pilas sa nawong si Jordan. Pilason man sanday PO2 Rosenie Lebuna kag PO1 Mark Ringo Fernando.

Suno kay Jordan, nagpatrolya sila sa lugar matapos nakabaton sang report nga may mga armado nga lalaki nga nasiplatan.

Duha ka teams (7 pulis sa isa ka team kag 10 pulis sa isa ka team) ang naghimo sang foot patrol.

Nagapati naman si Iloilo Police Provincial Office Director PSSUPT Marlon Tayaba nga may pilason man sa mga rebelde base sa panaysayon sang mga sibilyan nga may nakita sila nga ginatuwangan. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply