10 ka tuig nga bata, na-ospital matapos naigo sang bala sang naglupok ang pugakang sang iya amay sa Capiz

Capiz–Na-ospital ang 10 ka tuig nga bata nga lalaki matapos naigo sang bala sang naglupok ang pugakang sang iya amay sa Brgy. Quevedo, Ma-ayon, Capiz.

Suno kay PSI Valen delos Santos, hepe sang Ma-ayon Police Station, nag-unload sang iya 12-gauge shotgun si Noel Evangelista, 39 anyos, sang aksidente ini nga naglupok matapos niya ginkasa. Naglapos ang bala sa dingding nga kawayan kag nag-igo sa nagakatulog nga bata sa pihak nga kuwarto.

Napilasan sa tiyan kag tuo nga kamot ang bata kag yara na sa estable nga kondisyon. At-large ang amay suno kay delos Santos. (AGB)