Iloilo City — Iloilo City — Gin-ako ni Atty. Mary Grace Bulaquina, Officer-In-Charge sa Legal Division sang DPWH 6, nga ginmanduan sila ni Director Wenceslao Leaño Jr. nga indi magsabat kun pamangkuton angut sa kontrobersiya sa delayed road project sa ila ahensiya.

Ginkadtuan sang Aksyon Radyo Iloilo si Atty. Bulaquina sa pagkuha sang iya opinyon natuhoy sa legal basis sa pagbayad sang accomplishment ukon gin-obra sang contractor bisan expired na ang ila kontrata.

Una na ginpahayag ni Leaño kag City District Engineer Rodney Gustilo nga dapat bayaran ang gin-obrahan sang Legacy Construction, contractor sang delayed road project sa San Juan Street, Brgy. San Antonio, Molo, bisan expired na ang ila kontrata. Apang ibuhin diri ang kabugusan nga liquidated damages sang contractor.

Nanindugan naman si Atty. Quintin Magsico, isa sa mga nagdraft sang Republic Act 9184 ukon Government Procurement Reform Act nga wala sang obligasyon ang Implementing Office sa pagbayad sa contractor sang ila accomplishment kun expired na ang ila kontrata.

Hunyo 19 sang nag-takop ang revised expiry date sang Php 21-Million contract sang Legacy Construction. Agosto 5 naman sang nagtakop ang 45 diyas nga pasalig sang contractor para tapuson ang proyekto.

Nagtakop naman ang gintalana nga period para sa partial road closure sa lugar apang padayon gihapon ini nga gina-implementar.

Sandig sa Executive Order Number 76 series of 2018 ni Mayor Joe Espinosa, Agosto 7 tubtob 21 lang ang partial road closure sa lugar angut sa pagkabkab sang dalan.

Ginakuhaan sang Aksyon Radyo Iloilo sang pahayag si Public Safety and Transportation Management Office Head Jeck Conlu apang wala pa siya nakahatag sang official statement. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply