Oton, Iloilo – Dakup sa buy bust operation ang sastre sa Cagbang, Oton subong nga hapon (Agosto 25).

Pito ka sachets sang suspected shabu kag P1,000 nga buy bust money ang nakuha kay Jose Norman Compania, 56-anyos kag tumandok sang lugar.

Ginpanginwala ni Compania nga iya ang mga nakuha nga suspected drugs.

Ginapanindugan sang subject nga ‘planted’ ang illegal nga droga nga nakuha sa iya.

Suno naman kay Cagbang Barangay Kagawad Lea Puertes, wala sa ila Barangay Anti-Drug Abuse Council ukon BADAC report ang pangalan ni Compania.

Gintuad sang kagawad nga ila natalupangdan nga masami nga kustomer ni Compania ang mga pangayaw.

Naka-inom si Compania sang gin-conduct ang operation. Preso na ini sa Oton Municipal Police Station. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply