Molo, Iloilo City — Pilason ang driver sang Light of Glory taxi pagkatapos nabun-an sang ginhold-up ini sa Calumpang, Molo kaina sang kaagahon, Agosto 27.

Gindala sa Iloilo Doctor’s Hospital si Richie Pacura, 38-anyos sang Calumpang nga napilasan sa wala nga palad kag wala nga pusog-pusugan.  Nadakpan ang isa sa duha ka suspek nga ginkilala kay Niel John Plasido, 19-anyos sang Pandan, Leon samtang nakapalagyo si alyas John-john.

Wala mataban sang mga suspetsado ang kita ni Pacura matapos nga nagbatu ang biktima. Nag-agaway sang kutsilyo ang mga suspek antes napilasan ang driver.

Gin-ako ni Plasido nga naka-inum sila ni alyas John-john. Sanday Plasido kag alyas John-John ang manuglukit sang talaba sa talabahan sa San Rafael, Mandurriao. (JoMaque/AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply