Local Economic Enterprise Office Head Ariel Castañeda, nagpa-athag sa wala pa naatupan nga portion sang fruit and vegetable section sa Iloilo Terminal Market matapos ginreklamo sang pila ka vendors

Iloilo City— Nagadungan ang mga proyekto sa syudad gani ginakulang ang mga tinawo sa pagkay-o sang atop sa Iloilo Terminal Market.

Suno kay Local Economic Enterprise Office Head Ariel Castañeda, na-istorya na sini ang market-in-charge kag nagpasalig ini nga mangita sang tinawo nga magkay-o sang atop.

Suno sa vendor nga si alyas Dingdong, ginpakakas sang market-in-charge sang Agosto 24 ang atop bangud nagatulo kun mag-ulan apang naglala ang ila sitwasyon bangud nagasaramihay ang ila nga lugar kag wala sang proteksyon ang ila mga baligya.

Ginpahayag ni Dingdong nga nag-amut-amot na lang sila nga mga vendors agud makabakal sang trapal kag himuon nga temporaryo nga atop. (AGB)