Kampo Delgado – Gina-usisa sang Police Regional Office ukon PRO-6 ang impormasyon nga may bag-o nga drug group nga naga-operate sa Western Visayas.

Suno kay PRO-6 Spokesperson Joem Malong, natingala sila nga padayon sa gihapon ang problema sa illegal nga droga bisan pa nga masangkaron ang kampanya sang pulisya.

Base sa record sang PRO-6, 58 na ang napatay sa illegal drug operations sugod sang Hulyo 2015 tubtob subong. Makita suno kay Malong nga masupog ang operasyon batuk sa illegal drugs sang mga police sa rehiyon.

Gina-imbestigaran sang mga otoridad ang posible pag-ulhot sang bag-o nga drug group nga ginapatihan naga-operate sa rehiyon nga ginahalinan sang illegal drugs.

Indi pa matumod sang PRO-6 kun diin sa Western Visayas naga-operate ang ginapatihan drug group.

Duha na ka PDEA identified drug group leaders ang napatay nga nalakipan nanday Melvin Odicta kag Richard Prevendido. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply