Iloilo City–Arestado sa buy bust operation ang trisikad driver sa Lapaz kahapon, Agosto 29. Ginkilala ang nadakpan kay Ronald Moya, 34 sang Barangay Sinikway, Lapuz.

Suno kay PCI Ariel Pico, OIC sang Lapaz Police Station, nakuha kay Moya ang tatlo ka sachets sang suspected shabu kag 600 pesos nga buy bust money.

Ginhimo ang operasyon sang Lapaz Police Station Drug Enforcement Team sa Barangay Lopez Jaena Sur, Lapaz.

Gin-ako ni Moya nga naka-agi siya gamit sang illegal drugs mga 10 ka tuig na ang nakaligad apang nag-untat na.  Dugang sini, nagsurrender man siya sa Oplan Tokhang. Nanindugan si Moya nga ‘planted’ ang mga items nga nakuha sa iya. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply