Patay ang 16 anyos nga dalagita sang ginpahayag natiruhan sang iya stepfather sa Brgy. Buntalan, Maasin kagab-e.

May igu ang biktima sa dughan, ulo, kag wala nga kamot nga gindeklarar nga dead on arrival sa ospital.

Suno sa iloy sang biktima, ginsugat sang stepfather si Alyas Faye sa banwa antes natabo ang insidente.

Pag-abot sa balay, nakita sang iloy nga ginalampus-lampos sang suspect ang cellphone sang bitkima sa wala nahibaluan nga rason gani nga ginsaway niya kag ginhambalan nga untatan.

Lipod sa ihibalo sang mag-iloy, nagkuha sang pusil ang suspect kag gintayaan ang biktima apang natapi pa ini sang iloy. Nagpalagyo pa suno sa iya ang iya anak apang ginlagas sang suspect kag gintiro.

Gin-aku man sang iloy nga masami nagaba-isay ang iya anak kag ang iya nga live-in partner.

Wala sini nahibaluan ang rason sang suspect sa pagpangakig sa biktima.

Wala nagapauli ang biktima sa balay nga gina-istaran sang iya iloy kag stepfather bangud ara ini sa poder sang iya lola.

Kaso nga murder ang ipasaka sang Maasin police batuk sa suspect nga si Jerold Guillermo 38 anyo sang Belison, Antique nga padayon pa nga ginapangita sang kapulisan.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply