IPPO Headquarters, Sta, Barbara, Iloilo — Ginbuyagyag ni Iloilo Police Provincial Office ukon IPPO Director Senior Supt. Marlon Tayaba ang bag-o nga sistema sa pagpataya sang ‘bookies’ sa probinsiya.

Suno kay Tayaba, nagagamit sang cellphone ang nagapataya sang bookies agud indi madali nga madapan.

Natukiban ini suno kay Tayaba sang may nadakpan sila nga illegal nga nagapataya.

Gin-ako ni Tayaba nga nabudlayan sila sa amo nga sistema apang ginpasalig nga ilabe pa nga pasangkaron ang kampanya kontra sa illegal gambling.

Kumpiyansa naman ang IPPO director nga makabulig sa ila anti-illegal gambling operations ang liwat nga pag-operate sang STL sa probinsya.

Una na nga ginconfirmar ni Atty. Romel Duron, isa sa mga abogado sang Red Subay Gaming Corp. nga gin-grant sang PCSO central office ang ila application agud mangin bag-o nga STL operator sa Iloilo province kag posible makasugod sila bola sa Setyembre. (AGB/NG)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply