Patal nga pilas sa dughan kag ulo, ginkamatay sang manak nga gintiro sang iya stepfather sa Maasin base sa autopsy result

Maasin, Iloilo–Patal nga pilas sa ulo kag dughan ang ginkamatay sang 16 anyos nga dalagita nga gintiro sang iya stepfather sa Brgy. Buntalan sang Agosto 30 sang gab-i.

Base sa pag-autopsy ni Dr. Owen Lebaquin, medico legal officer sang Police Regional Office 6, kay alyas Faye, duha sa tatlo sini ka pilas ang nag-igo sa iya corazon, atay kag tuo nga baga.

Indi na suno sa iya masalbar ang biktima bisan pa nahingagaw dala sa ospital.

Narecover ang duha ka slugs sang ginapatihan 45 kalibre nga pusil sa dughan kag tiyan sang biktima. Nakitaan man sang mga lagob sa wala nga kamot ang biktima.

Ginpahayag ni Lebaquin nga wala sang patimaan nga gingamit ang biktima ukon nagpakighilawas ini antes ang pagtiro sa iya.

Nagsurrender kahapon, Agosto 31, ang suspek nga si Jerold Guillermo, 38 anyos nga tumandok sang Belison, Antique kag live-in partner ni alyas Joy, ang iloy sang biktima. (AGB)