Janiuay, Iloilo — Naospital ang 35-anyos nga mangunguma matapos ginbuno sang kasubong nga mangunguma sa Barangay Balanac, las 10 kagab-i, Setyembre 2.

Ginkilala ang biktima kay Ricky Marañas sang Barangay Aguingay nga napilasan sa kamot kag tyan.

Ginatudlo nga nagbuno kay Marañas si John Raymund Masquite, 24 anyos sang Barangay Monte-Magapa.

Suno kay SPO1 John Robles sang Janiuay Municipal Police Station, nagsumalangay sa Barangay Balanac halin sa ilimnan ang duha ka hubog nga mangunguma sang ginpilit sang biktima ang suspek nga magpangita sang ilimnon apang nagpamalibad ang suspek pero ginpilit sang biktima.

Ginpahayag nga na-impito ang suspek gani ginhandus sang dala nga kutsilyo ang biktima kag nagpalagyo.

Nagsurrender alas 9 kaina sang aga (Setyembre 3) ang suspek kag natalana pasakaan sang kaso nga frustrated murder. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply