Iloilo City — Indi magnubo sa 20 ka mga commercial establishments ang gin-report sang Public Safety and Transportation Management Office ukon PSTMO nga nagalapas sa Executive Order Number 146 ni Mayor Joe Espinosa nga nagapasirado sa mga establishments nga nagabaligya sang makahulubog nga ilimnon halin alas 2 sa kaagahon.

Ini ang pahayag ni PSTMO Head Jeck Conlu bangud sila ang nagahimo sang report nga ginasumiter sa Mayor’s Office kag Business Premit and Licensing Office sa mga establishments nga nagalapas sa EO..

Suno kay Conlu, ang duha ka opisina lang ang maka-papanaog sang penalidad sa mga commercial establishments.

Gin-aku ni Conlu nga kon basehan ang EO, wala man matumod kon ano nga penalidad ang mahimo pangatubangon sang mga natungdan.

Nagpaguwa sang EO ang alkalde nga nagamandu sa mga commercial establishments nga magsirado halin las dos sang kaagahon tubtob las otso sa aga kag pagdumili sa pag-serve sang alcoholic drinks sa ila customers. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply