EXCLUSIVE REGISTRATION PARA SA MGA SENIOR CITIZENS, PWDs, GINTALANA SA SETYEMBRE 5
Iloilo City–Exclusive lang sa mga senior citizens kag persons with disabilities (PWDs) ang registration sang Commission on Elections (COMELEC) sa Setyembre 5.
Magabaton sang mga bag-o nga registrants, reactivation sang voters registration, transfer kag correction ukon change of entries ang COMELEC sa nasambit nga petsa nga exclusive sa mga senior citizens kag PWDs sa tanan nga COMELEC offices sa bug-os nga pungsod.
Ang special registration kabahin sang preparasyon sang COMELEC para sa nagahilapit nga National and Local Elections (NLE) sa Mayo 13, 2019.
Suno kay COMELEC 6 Assistant Director Tomas Valera, ang kutob sa mga COMELEC offices nga yara sa ibabaw nga opisina, gina-ayo nga magpanaug kag magbutang sang space sa lugar nga indi na kinahanglan sakaun sang mga senior citizens kag PWDS.
Pero sa siyudad sang Iloilo, halin sa ila opisina sa Iloilo Terminal Market, magasaylo temporaryo ang mga empleyado sang City COMELEC sa second floor sang Robinsons Place.
Wala man ini sang problema suno kay Atty. Valera bangud may escalator kag elevator man. (JoMaque)