Antique–(UPDATE) May nasiplatan nga oil sheen sa kadagatan sang San Jose, Antique, sa diin nagsadsad kag nagtakilid ang barko kahapon, Setyembre 3.

Suno kay Lt. Commander Ramil Palabrica sang Coast Guard Western Visayas, nagsadsad ang barko nga MV Star Liberty nga nagakarga sang 22,000 ka saku sang semento kag diesel fuel.

Ginpahayag nga na-damage ang propeller sang barko pero usisaun pa ini sang mga divers.

Agosto 28 pa nag-abot ang barko agud kuntani mag-unload sang karga.

Nakakas ang angkla sini kag ginpalid bangud sang malain nga panahon.

Napilasan ang 12 sa 22 ka crew sang barko nga naglumpat sa tubig kasunod sang pagdeklarar sang “abandon ship” matapos ini nagtakilid. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply