Cabatuan, Iloilo— Patay ang lima ka tuig nga bata nga babaye matapos ginpahayag nalumos sang nagpaligo sa suba sa Barangay Tabucan mga las 10 kahapon sang aga, Setyembre 4.

Ginkilala ang napatay nga si Alias RM, residente man sang nasambit nga barangay.

Base sa imbestigasyon sang Cabatuan police sa pagpanguna ni PO3 Richard Epacta, una nga naghagaray si RM kag ang iya abyan nga lima man ka tuig nga malantaw sang amu nga ginasagod sang ila kakilala.

Sang papuli na ang duha, naghagaray naman ini nga maligo sa suba, sa ubos sang balay sang ila kakilala nga nagasagod sang amu.

Ginpahayag nga naanod sang daludo sang tubig si RM kag sang ginpangita sang iya magulang nakit-an na lang ini nga naga utaw-utaw sa suba.

Ginhingagaw pa nga gindala sa ospital ang bata, apang wala gid natabangan. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply