Camp Delgado, Iloilo City — May lima ka igo sang pagkatiro si Alex Blanca alyas Ruthfield nga napatay sa drug buy bust operation matapos nga ginpahayag nagbato sa pulis nga poseur-buyer sa Barangay San Juan, Molo sang Agosto 27.

Sa autopsy report ni Dr.Owen Libaquin, medico legal officer sang Police Regional Office ukon PRO-6, may igo si Blanca sa dughan, duha sa tiyan kag duha sa tuo nga paa.

Suno kay Libaquin, masobra tatlo ka tapak lang ang kalayuon sang nagtiro kay Blanca.

Una diri, ginpahayag ni Senior Inspector Kennith Bermejo, team leader sang Regional Drug Enforcement Unit nga nagbato si Blanca sang gindeklarar sang poseur-buyer nga arestado ini.

Lakip sa recoveries ang lima ka sachets sang suspected shabu lakip ang buy bust item, 15 mil 200 pesos nga buy bust money, isa ka cellphone, isa ka hand grenade, isa ka 38 caliber revolver kag anum ka bala. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply