Mga suldado kag ginapatihan NPA, nag-engkuwentro sa Leon

Leon, Iloilo — Naka-engkuwentro sang mga katapu sang 61st Infantry Battalion sang Philippine Army ang mga ginapatihan katapo sang New Peoples Army (NPA) sa Brgy. Malublub, Leon alas 4:50 kaina sang kaagahon (Setyembre 6).

Suno kay Lieutenant Colonel Sisenando Magbalot Jr, commanding officer sang 61st IB nga nagapatrolya sa lugar ang mga suldado kag namonitor ang hulag sang mga armado nga lalaki tubtub nga nag-engkuwentrohanay.

Naglawig sang 15 minutos ang encounter suno kay Magbalot.

Wala sang may napilasan sa bahin sang mga suldado.

Nagapadayon suno sa iya ang hot pursuit operation sang mga suldado.

Gin-athag ni magbalot nga sa Malublob, Leon lang natabu ang encounter nga malapit sa boundary sang Alimodian. (JoMaque)