Pagsaka sang presyo sang mga balaklon ang kahulugan sang inflation. Pa-athag ini ni National Economic and Development Authority ukon NEDA 6 Director Ro-Ann Bacal kasunod sang pagheadline sang 6.4% nga inflation rate sang Agosto.

Suno kay Director Bacal, teknikal nga term ang “inflation” pero ang simple nga buot silingon sini amo ang “pangkabilugan nga pagsaka sa presyo sang mga balaklon kag serbisyo.”Ini suno kay Bacal, may epekto sa purchasing power sang mga tawo kag sa baylo sang kuwarta.

Samtang nagasaka ang inflation, naganubo man ang baylo sang peso nga nagaresulta sa diyutay nga mabakal nga produkto kag serbisyo sang mga tawo sa kapareho nga kantidad.

May maayo man nga epekto ang inflation suno kay Bacal bangud makapanumdom ang publiko kon ano ang i-prioritize nga baklon kag likawan ang mga indi dapat gastuhan. Ginatudluan man suno sa iya ang pumuluyo nga mangin produktibo. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply