San Dionisio, Iloilo–Ginconfirmar sang San Dionisio police ang report nga ginreklamo ang OIC principal sang isa ka elementary school sang pagmolestiya.

Suno kay SPO2 Jessel Igbaras sang Women and Children’s Protection Desk, nagreklamo ang lola matapos ginsugiran sang classmate sang iya apo sa ginhimo sang maestro. Ginsugid sang 12 anyos nga bata nga lalaki nagapa-tutor sa OIC principal sang ginpalantaw siya sang binastos nga palaguwaon sa laptop sang maestro. Suno pa sa bata, gin-uyatan sang maestro ang iya kinatawo.

Ginahulat na lang suno kay Igbaras ang pag-abot sang iloy sang bata halin sa Manila agud madesisyunan kon kasuhan ang OIC principal. (AGB/EDB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply