Pasakaan gihapon sang kaso sang San Joaquin Police ang mag-utod nga nagpatay sa ila magulang bisan pa indi interesado ang pamilya sang biktima.

Suno kayn Inspector Reggie Navarra hepe sang San Joaquin Police, ipasaka ang kaso nga murder batuk sa mag-utod nga sanday Victor kag Dalmacio Sandilantan nga nagpatay sa ila magulang  nga si Jose John agud mahatagan sang hustisya ang kamatayon sang biktima.

Napatay si Jose John sang ginpulihan labo, buno, kag lampos sang iya mga manghod sa barangay Taslan, San Joaquin sang nagligad nga gab-i (Setyembre 5).

Ginpahayag nga nagapanghangkat sang inaway ang magulang nga nagabit-bit sang binangon kag kutdilyo. Natabu-an nga naka-inom man ang iya mga manghod kabangdanan nga ginsulong balay sang magulang.

Napuno na ang mga manggud sa masami nga pagpanghangkat sang inaway sang magulang kabangdanan nga ginpulihan.

Una nga ginlampusan ni Dalmacio sang kahoy si Jose John, samtang na-agaw ni Victor ang kutsilyo kag binangon sang magulang nga gingamit sa paglabu kag pagbuno sa biktima.

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply