Iloilo City–Patay ang Tokhang surrenderer nga gintiro sang riding-in-tandem sa Zone 4 Calumpang, Molo pasado alas-9 kaina sang aga, Setyembre 7.

Gina-imbestigaran pa sang Molo police kon sin-o ang nagpatay kay Don Azucena, 42 anyos sang North Baluarte, Molo. Samtang suno kay Supt. Hilarion Roga sang Scene of the Crime Operatives, lunsay patal ang mga igo ni Azucena apang wala pa nadeterminar kon ano ka damo.

11 ka empty shells ang na-recover sa crime scene, duha ang compatible sa 45 kag siyam ang compatible sa 9mm nga pusil.

Nagabantay sang jeep si Azucena upod sa iya live-in partner sang gintiro.

Una na nga ginpahayag sang amay nga si Danilo Azucena nga naganegosyo sang arroz caldo kag iban pa nga kalan-un ang iya bata kag posible nga kahisa ang rason sa pagpatay sa iya. Gin-ako sang pamilya nga nagsurrender sa Tokhang si Azucena apang nagbag-o na kag naka-graduate sa pagpa-rehab. (AGB)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply