Banate, Iloilo–Patay ang 64-anyos nga si Abelardo Agudyo sang Brgy. Juanico, Banate matapos gintiro mga las 6:30 kaina sang aga, Setyembre 8, sa amo man nga lugar.

May igo sa wala nga parte sang tiyan si Agudyo nga ginhingagaw pa dala sa ospital apang gindeklarar nga napatay.

Nagapabilin nga at-large ang suspect nga si Wilson Belgira, 43 anyos, residente man sang nasambit nga barangay.

Suno kay Senior Inspector Genesis Roque sang Banate Police Station, may pagbaisay nga nagluntad sa duha angut sa ila daan nga hilugut-anon nga posible gintunaan sang krimen.

Padayonang imbestigasyon sang kapulisan para matumod kon paano nagsugod ang gamo. Ginpatihan 12 gauge shot gun ang gingamit sang suspect sa pagtiro sa biktima. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply