Guimbal, Iloilo–Nakadesisyun na ang pamilya Garin kon sin-o nga grupo ang ila paga-updan para sa 2019 elections.

Ini ang ginconfirmar ni 1st District Congressman Richard Garin sa pagtililipon sang pamilya sa ila balay sa Guimbal kagab-i.

Gin-athag sang kongresista nga ginatugyan nila sa ila amay—Guimbal Mayor Oscar ‘Oca’ Garin ang pag-anunsyar sang ila desisyon sa masunod nga inadlaw.

Ginbantayan kagab-i ang announcement kuntani sang pamilya Garin apang wala ini natabu kag sa baylo, ginpahibalo ni Mayor Garin nga may mapadalagan nga bise gobernador sa ila pamilya. Wala lang mahibaluan kon sin-o kanday Congressman Garin kag AAMBIS OWWA Partylist Representative Sharon Garin ang mapadalagan nga vice governor.

Una na naguwa ang report nga magapadalagan bilang partylist representative si Vice Governor Christine Garin sa 2019 elections. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply