PSTMO Head Jeck Conlu, nagpasalamat sa mga nagbulig agud mapapuli ang 59 ka Badjao nga natipon sang syudad

Iloilo City–Ginpasalamatan ni Public Safety and Transportation Management Office head Jeck Conlu ang pila ka private sector nga nagbulig agud mapahapos ang pagpapuli sa 59 ka mga Badjao sa Mindanao.

Gin-ako ni Conlu nga kulang ang budget sang syudad para sa ticket, pagkaon kag pila ka kinahanglanon sang mga Badjao apang naghatag sang ticket discount ang shipping company kag bus company.

P160,000 ang gin-release nga budget sang syudad suno kay Conlu.

Wala na ginpabalunan sang kuwarta ang mga Badjao kag gin-arrange na lang sa management sang barko ang ila pagkaon.

Alas-2 kaina sang kaagahon sang nagbiya sa syudad ang barko nga ginsakyan sang 59 ka mga Badjao. (AGB)