Banate, Iloilo – (UPDATE) Kutso-kutso ang gintudlo nga ginhalinan sa pagtiro patay sa 64 anyos nga lalaki sa Barangay Juanico kahapon sang aga (Setyembre 8).

Ginkilala ang biktima kay Abelardo Agudyo nga may igo sa wala nga parte sang tiyan kag gindala pa sa Barotac Viejo District Hospital apang napatay.

At-large naman ang suspek nga si Wilson Belgira, 43 anyos.

Suno kay Senior Inspector Genesis Roque, hepe sang Banate Police Station, base sa ila imbestigasyon, ginsulong sang bata ni Agudyo nga si Irene ang live-in partner ni Belgira nga si Lea kag ginguramos sang Setyembre 7.

Ini matapos naglapta ang kutso-kutso nga may relasyon si Irene kag si Belgira. Si Irene ang may bana nga construction worker.

Pagkagab-i sa amo man nga fetsa, ginhangkat sang biktima ang suspek sang away apang ginpahayag nga wala ini ginsapak.

Apang kahapon sang aga, liwat nga gingarit-garit sang biktima ang suspek sang naglabay sa ila balay.

Likom sa ihibalo sang suspek, may de dose nga pusil si Belgira nga amo ang gingamit sa krimen. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply