Kampo Delgado — Dapat nga masolbar ang kaso sang pagpatay sang riding-in-tandem sa pila ka drug surrenderers sa Rehiyon 6 partikular sa Iloilo City.

Suno kay Police Regional Office 6 Director Chief Supt. John Bulalacao, ini agud madula ang pagduda sang mga pumuluyo nga police ang may kahimuan sa krimen.

Sa pagkamatuod suno kay Bulalacao, ginmanduan na niya ang mga police provincial offices kag Iloilo City Police Office nga tutukan ang kaso sang pagpatay sa mga drug surrenderers.

Wala man ginadula sang mga police suno kay Bulalacao ang posibilidad nga may kaangtanan sa illegal nga droga ang pagkapatay sang mga drug surrenderers.

Dapat man suno kay Bulalacao nga mauntat ang problema kag masolbar ang krimen.

Liwat nga ginpasiguro ni Bulalacao nga manageable ang peace and order sa rehiyon kag wala sang dapat nga kahangaw-an ang publiko. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply