Nakasulod na sa Philippine Area of Responsibility (PAR) ang Bagyo Ompong nga may international name Mangkut.

Ginconfirmar sang PAGASA sa ila official Facebook page nga nagsuldo sa PAR ang bagyo alas-3 kaina sang hapon, Setyembre 12. Ginforecast nga maapektuhan sang bagyo ang Regions 1, 2 kag 3. Pabaskugon sang bagyo ang hangin habagat nga magadala sang pag-ulan sa Visayas, Mimaropa, Region 9, Northern Mindanao kag CARAGA.

Suno kay National Disaster Risk Reduction and Management Council Undersecretary Ricardo Jalad, may potential nga mangin supertyphoon si Ompong kon maglapaw sa 220 kilometro kada oras ang kabaskugon sang hangin. Posible naman nga mabatyagan na buwas ukon sa Biernes suno kay Jalad ang mabaskug nga pag-ulan sa mga apektado nga lugar.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply