Alimodian, Iloilo–Isa ang patay kag duha ang pilason sa pagbunggu-anay sang duha ka motorsiklo sa Brgy. Binalud, Alimodian kagab-i, September 12.

Ginkilala ang napatay kay Arnold Aguaras, 52-anyos sang Brgy. Poblacion samtang pilason ang mag-tiyo nga sanday Jeremy Andoloy, 30 anyos kag Alyas Renz, 14 anyos sang Brgy. Taban-Manguining nga naga-angkasanay sa motorsiklo.

Suno kay Police Inspector Danilo Noca, hepe sang Alimodian Municipal Police Station, head-on collision ang natabu sang nag-sugataay ang duha ka motorsiklo sa tunga sang dalan.

Dead-on-arrival sa ospital si Aguaras bangud sang pilas sini sa ulo. Padayon naman nga ginabulong sa ospital ang mag-tiyo. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply