Direksyon sang Bagyo Ompong, halos wala sang pagbag-o suno sa PAGASA Iloilo; bagyo, ginaforecast nga magalandfall sa northern tip sang Cagayan sa Sabado; Panay, maka-eksperyensya sang lapta-lapta nga mahina nga pag-ulan bangud sang enhanced Habagat

Iloilo City–Halos wala sang pagbag-o sa direksyon ni Bagyo Ompong kag consistent nga Northern Luzon ang iya nga paga-agyan.

Suno kay Mr. Michael Viola sang PAGASA Iloilo, lapta-lapta nga mahina nga pag-ulan sa subong ang ma-experyensyahan sa Panay. Ginaforecast naman nga mabatyagan buwas ukon sa Sabado ang pag-enhance sang bagyo sa habagat.

Gin-athag ni Viola nga Typhoon ang pag-categorize nila sa Bagyo Ompong kon basehan ang kabaskugon sang dala sini nga hangin nga 205 km/h.

Samtang gina-forecast nga magalandfall ang bagyo sa Northern tip sang Cagayan sa Sabado. (AGB)